( يا دمعي مالك كده ؟ ) :
يا دمعي مالك كده ؟
في العين سايل مني
فرحت فيا العدا
وتعبتلي النني
يا دمعي دايما ليه ؟
سايل على الخدين
طب ايه حيجرى ايه ؟
لو دوبت جوه العين
نفسي يا دمعي تجف
تنشف على خدودي
ونفسي جرحي يخف
يا فرحتي عودي
يا دمعي ليه الأسى ؟
دايما تبات ع الخد
الصبح زي المسا
والسبت زي الحد
يا دمعي دايما كده
ملهوف على الأحزان
على طول تلبي الندا
وتسيل على الأكفان
عايز جنازة يا دمعي
وتعيش في جو حزين
بتطفي ليه شمعي ؟
وتولعه ببنزين
بقلم الشاعر جمال زكي عينر
ليست هناك تعليقات:
إرسال تعليق