حرب عالمية
بقى ده اسمه كلام
تخاف الناس مش بتنام
من ضرب دبابات
وفرض عقوبات
استغلال أزمات
يتقال دي حرب عالمية
حقيقتها حرب نفسية
الحرب شغالة من زمان
بدأت لما راح الأمان
اتلهيت الناس
جمدت القلوب ع القلوب
صبحت المشاعر زي الطوب
حياتنا بقت ع اليوتيوب
عشان نجمع بيها الأموال
الحرب شنت هجومها
لما اتلهينا ومربيناش العيال
سيبناهم يكبروا قبل الآوان
لما شافوا الدم وسط التراب
أحداث تجر أحداث
حوادث غريبة ع التراث
مبقاش في رحمة ولا أمان
ركنا ع الرف الدين والايمان
بقينا بنستغل بعض
بنجري ع المصالح
ريحتنا الوحشة فاحت
الروح الحلوة راحت
مفيش مابينا سلام
حتى السلام بالايد
بقى يخوف
الدنيا تزيد وتعيد
بلاش قرب بلاش ود
وزيارات
احنا في عصر الأزمات
أوبئة وأمراض
عايشين ف متاهات
خايفين ع العيش والزاد
ومازال الخوف ماسك فينا
من شن حروب وعقوبات
عاوزين الدنيا تولع بينا
نفضل خايفين مرعوبين
حرب نفسية تقيلة علينا
يعملوا بس ف مخططات
يوقعونا ف أزمات
ربنا يسترها علينا
#حرب_عالمية 🤷♀️🙆♀️
#نظرية_الياسمين
#رسايل_مع_ياسمين_حافظ 💌💟
ليست هناك تعليقات:
إرسال تعليق