الحق نفسك
***********
احضر سلة وحبة غلة
وشوية مية سخنة في حلة
وقرطاس لب عشان تتسلى
وكمان كم جرنال ومجلة
ولم اصحابك زي زمان
واعمل بقى صحبة وشلة
واحلب بقرة واغلى حليبها
وبعد شوية المية هتغلى
وتبقى بليلة اكلة ليلة
واوعى تقول الحالة دي نيلة
واوعاك تمشى ورا اللي بيدعي
ان الناس دي تعيش في رزيلة
اتمسك يا ابني كده بدينك
واياك عن دينك تتخلى
ربنا يمهل بس اوعاك
تخدعك المهلة
عيش متواضع اوعاك تمشي
بكبر وعبايتك عنك تتدلى
وابقى عزيز النفس
واوعى تعيش ابدا في مذلة
عيش كدا شامخ وسط الناس
مرفوع الراس وكأنك نخلة
اوعي تقف عند القاذورات
شم زهور الكون وكأنك نحلة
دا اللي بياكل حق الناس
لا عنده دين والله ولا ملة
عيش دايما وبقلب نضيف
قلب ابيض كده زي الفله
وابعد عن كل اللي قلوبهم سوده
عمر قلوبهم دي ما تتغير
لو غسلوها مليون غسلة
ودوس دايما كده على اوجاعك
بص كده دايما قدامك علشان تعلى
قل سبحان من خلق فسوى
رزق العبد واسمه عبد ولازم يطغى
فاكر نفسه خلاص استغني
والله هيفنى الكون وهتفنى
راجع نفسك وارضي ربك
وارضي ضميرك ولا جهنم تبقى مصيرك
احضرك سلة واجمع فيها كل عمايلك
واعلم ان ربنا عن مثقال الذرة سائلك
الحق نفسك وازرع خير
ربنا ..
خلقك لعبادته وتعمير الكون
مش خالقك علشان تتسلى
**************
حمدين الشهاوي
ليست هناك تعليقات:
إرسال تعليق