( ندهتلي ) :
ندهتلي قالتلي تعالى
قلت لها انا قلبي ضعيف
فقالتلي كفايه قواله
انا وحدي شتا او صيف
قلت لها اخاف م الحيره
ترميني ف بحر عينيكي
وساعتها مالِيَّاش خيره
مضطر اسلم ليكي
فاتاري ده هو مرادها
اتنازل يوم واسلم
أرضيها وارضي فؤادها
من غير ما احكي ولا اتكلم
يا حبيبتي انا ملك ايديكي
ما خلاص ما بقيتش اخاف
كان خوفي بس عليكي
مركبي من غير مجداف
لكن انا وانتي حنفضل
عايشين على احلى اماني
من غير مجداف راح نوصل
للشط البر التاني
والبر التاني امان
حنكون طي النسيان
ونعيش أنا وإنتي وبس
ولا خوف ولا كنا وكان
ونعيش أنا وإنتي وبس
ولا خوف ولا كنا وكان
بقلمي الشاعر جمال زكي عينر
ليست هناك تعليقات:
إرسال تعليق