(((( عمري ماهعذر ))))
===============
كنت زمان بتحس بضيق .
لما بعاتبك على طول بُعدك
وتشعللها نار وحريق
وتبين في كلامك عِندك
واشكيلك تعمل مش سامع
وتحسسني بإنك بايع
وانك رايح منتاش راجع
وتزودها معايا في صدك
كنت بحس بضعف وحيرة
واستغرب من ردة فعلك
خوفي عليك بتسميه غيرة
ولهفة قلبي حب تملك .!!
كنت أتمنى تجرب حيرتي
ولاتشوف الحب في غيرتي
وتقول فعلا دانتي صبرتي
يومها هتندم أوي وهاتهلك
وان حبيت يوم انى استفسر
يبقى كاني مالياش حق
وازعل أوي منك واتحسر
واحس بجد إني هاطق
اصل برودك بيعذبني .
يبقى كفاية وإيه يغصبني
ولا راح اعاتبك ولاتعاتبني
ولو ترجعلي هقولك لاااااء
يوم ورا يوم ولقيتني خلاص
مهما بتبعد مش بتأثر
ولا فيه لهفة او احساس .
وان جيت تشكي عمري ماهعذر
وافرح لو شفتك محتار .
عين في الجنة وعين في النار
وزمانك اهو لف ودار .
بكرة تدوق المر وتعذر
====================
بقلم // زينب سليم أحمد ..✍️
ليست هناك تعليقات:
إرسال تعليق