تعلم من الطفل ..بالشعبي العراقي
بقلمي حسان الامين
وينك أنت يل كلك حنان
يل مليت أبطيبتك
كل المكان
محتار شأوصفك
وشأكَول عليك
لو كَلت مَلَك
يزعلون ألأنس وألجان
تعال و رد ضحكتي
الراحت وياك
مو ذبل جسمي
وحتى الظلع بان
اكتبت ابُعدك قصيدة حزن
أولها احبك حيل
وأخرها مغرم بيك
وعاشكَ وولهان
وخليت بنص القصيده
بيت من العتب
أرجع
ولا تنسى الوفي حسان
مو طبعك بالغدر
واعرفك زين
بس العواذل غيبتك
وصرت بخبر كان
مو طبع الوفا يبدي
من الولاده
والغدر ما يتقبله أنسان
حتى الوليد يرتاح
ابحضن أمه
ومن بطنها أتعلم
دروب الحنان
واني الحضنتك
عشر أسنين
وتجازيني بالهجران
تعلم من الطفل
كيف التعامل
وكيف ترد الوفا
بالمحبه والعرفان
بقلمي حسان ألأمين
ليست هناك تعليقات:
إرسال تعليق