اللي يسيبك وقت الشدة
قوم وافتحلو بسرعة الباب
واللي أتمنى تزيد. الشدة
جرح في قلبك كله عذاب
..........................
دا مش واحد يعرف عشرة
ولا كان أخ عشان يتلام
كل كلامه في وشك حب
وخلف الضهر حقول ألغام
...........................
اللي في وقت الحزن ناسيك
واللي في وقت الفرح كمان
ياما تعبت عشان ترضيه
يطلع بخ وأخره لسان
..........................
واللي يقول أنا نعم الأخ
طب طخ طيخ طوخ طخ طخ
عامل فيها شجيع السيما
وناصب تحتك مليون فخ
................................
عادي يا زمني ياما تلاقي
فيه الحلو وفيه العادي
مبنقساش على حد بايعنا
بيتنا يساع من الحلوين نادي
................................
عارف الشدة بتحصل ليه
علشان تعرف قيمتك أيه
علشان تعرف مين. وياك
واللي يبعك لأجل جنيه
.............................
محمود صدقي
كلنا هذا الرجل
ليست هناك تعليقات:
إرسال تعليق