🚀 احنا مين 🚀
كلمات /مجدى صلاح المنصورى """""""""""""""""""""""""""""""''''
عايز اعرف احنا مين
و بأى حق بقينا مهزومين
العدو احتل ليه أرضنا
و لا احنا بقينا متعوِّديين
يدَّخل ليه فى شأننا
فى معظم بلاد المسلمين
يحرق زرعنا. يخطف ابننا
و الكل صامت من سنين
يدنس قدسنا وغصب عننا
وانتم ليه معاه متطبعين
هى القدس دى أرضنا
ولا احنا فيها مأَجَّرين
عمر النفاق ماكان عهدنا
ولا الخيانه كان ليها دين
مش عارف مين ضدنا
و ناس مننا للفساد متطوعين
نهوا على جيوشهم بايديهم
بقوا يا دوب شويه مسلحين
لقمه طريه تاكلها الديابه
محطوط عليها ألف عين
نسوا قُوِّتهم يعنى جيشهم
عرفوا قيمته يوم المستوطنين
خطه مرسومه من يهود
مدروسه من أيام الجدود
خطه فيها ألف خطه
كل خطه أخرها جحود
من شأنهم نقض العهود
حاولو تغير كل الوعود
عملوا كمين للجنود
حاولوا تغيير الحدود
وبدل الكمين ألف كمين
يقتلوا طفل لاجئ حزين
مش عارف وصلنا فين
و لا احنا خلاص بقينا ميتيين
بعد ما كانت ايدينا واحده
بالفتنه بِنَّا بقينا متفرقين
ليست هناك تعليقات:
إرسال تعليق