♡♡ما بقتش تنفعني♡♡
~~~~~~~~~~~~~
خلاص ما بقتش أنفع ليك
خلاص ما بقتش تنفعني
خلاص ودموعك الكدابة
مش ممكن ترجعني
ما بان زيفك ف أفعالك وبان غشك
وضاعت كل أحلامي اللي بنيتها أنا ف عشك
فـ ليه راجع ومن تاني تعري بالخداع وشك
نهيت كل اللي بينا خلاص ومش ممكن هتخدعني
خلاص ما بقتش تنفعني
•_•_•_•_•_•_•_•_•_•_
خلاص اسكت
خلاص اسكت ما تتكلمش
عن عشقك وتفاصيله
خلاص ضاعت ليالي العشق
وضاع ف الحلم تأويله
وحتى براءة الأطفال في عيونك بقت قسوة
وضاع من حروف اسمك معاني تفيد نون النسوة
فـ يلا أبعد خلاص وانسى
حروف اسمي وتشكيله
بقيت مجهول ومن تاني
لساني ما رااااح يطاوعني
خلاص ما بقتش تنفعني
•_•_•_•_•_•_•_•_•_•_
خلاص ابعد
خلاص ابعد وما تفكرش
ف اللي فات وف الماضي
دي نجمة ع القلوب مرت
وراح طيفها على الفاضي
خلاص ما بقتش اليق أنا ليك
ولا أنت تليق بيا
خيانة وكدب بانوا عليك
بعد غراااام وحنية
لكن عااااادي
هعيش في براحي وأنسى جراحي
من غدرك
ولو حضنك بحجم الكون
ما راح يقدر يرجعني ولا يسعني
خلاص ما بقتش تنفعني
~~~~~~~~~~~~~~~~
بقلمي ✍️/ محمد ربيع المصري
ليست هناك تعليقات:
إرسال تعليق