سحر عنيكي
"""""""""""""""""""""
ياام العيون الساحرة ...
قلبي اتسحر ف هواكي
نظراتك حتى العابرة ........
خلتني صعب انساكي
وتهت انا في جمالهم .........
حبيت حتى دلالهم
ودبت انا ف خيالهم .....
بقيت بتمنى رضاكي
...........
جنني سحر عنيكي
نسيت نفسي وزماني
بقى هو دا يرضيكي
أنسي حتى عنواني
في غرامك أنا درويش
مش عارف حتى أعيش
والنوم كمان مجانيش
والفكر كله فيكي
...........
حابب في عينيكي السهر
باسهر ليالي اكلمهم
أناجيهم ويا والقمر
وف سكة قلبي واخدهم
واكتب فيهم الكلمات
وأعزف ليهم النغمات
بانسى الحزن اللي فات
لو استرجع أيامهم
.............
بقلم الشاعر رمضان عبدالله أحمد
ليست هناك تعليقات:
إرسال تعليق