مش هحاول اخدعك
أو اقولك إن أنا إنسان مثالي
حتي انا مش هو نفسه
الكيان اللي رسمته
جوة كراسة خيالي
الحقيقة ساعات بتدبح
بس افضل من كلام معجون بحب
وسط قعدات التسالي
مش هاطير بك للقمر
القمر في سماكي عالي
والبديل ما هوش حضيض
الهبوط ما هوش مجالي
...
انتي طلباتك أوامر
بس خلي الأمر يبقا
جوة دايرة إحتمالي
لو وعودك ليا صح
يبقا حبك مستمر
والضباب فوق المشاعر
بكرة كله هيبقا بح
لو شعورك بيا صادق
اخلقي لي ألف عذر
وابني بينَّا الف جسر
واجبري لي ألف كسر
واوعدك هافضل احبك
واني أعيش لك الف عمر
#شعبان_محمد_بدر
ليست هناك تعليقات:
إرسال تعليق