زجلية تحت عنوان:
العزبة والشيطان***
حذري ي العزبة
زمان الجربة هذا
تقادي ؤ خا فقيرة ؤ في خربة
صلي ؤ صومي ؤسيري نيشان
راه دعاة لفاحشة كثاروا
عصاو الله ؤ ف الغفلة ساروا
اللقطاء ؤعبدة الشيطان
بغاوك يا لالة قينة حالًة
لا مستقبل ؤفي الزناقي صايلة
ؤ عليك يدوروا التورني و لكيسان
ففيقي ي العزبة
ؤ شدي ف العلم والحكمة
ؤ بالخلق صفعي عبدة الشيطان
فبناتنا يا الحاج جميع
ردوهم سلعة ؤ ريع
سنوا ليهم قانون الغاب و الحيوان
زادوا غرروا بها
باش يدوسوا ذاتها ؤيركبوا عليها
زراع المنكر اعداء الرحمن
انت يا لعزبة الشرف والهمة
منك نتسناو الفرحة لا الغمة
فعنداك تفرطي ؤصوني
تبعي حكام لقران
شجعوك على لعرى والبلية
بغاو يردوك لعبة ؤ تسلية
ؤ يبداو يتشايرو بك الغربان
نوضي يا الطاهرة تعلمي ؤقراي
بعبعة أهل الضلالة م تفيدك فتهناي
ؤ ل قال عليك رجعية
جاهل ؤ شيطان
اما ل بغا في الزنا يرميك
قولي لو لوح بنتك الله يهديك
فحنا وخا فقراء ...
م نبيعوا شرفنا ؤغنانا الله بالايمان
لي حرم الزنا والفحشاء
شرًف المرأة ؤزادها بهاء
ؤ نت بغيتها شيخة ي فلان
فاش هاذ لمنكر
واش هاذ الزمان
يا لعزبة ي زينة لبنات
طريق الشر ما هو طريقك فإياك
شدي في الله
فغدا عند ربي م ينفعك زواق
ولا دعاة الفجور والطغيان
صوني راسك ؤمقامك
افتخري ؤ لبسي قياسك
م تمدي عينيك لزْنا .
ولا بالريال يغريك شيطان
يا العزبة يا بنت بلادي
يا بنت العز ؤ مستقبل ولادي
صوني وصوني
هذا حال معفن فسيري نيشان
راه شحال من لحدية وراك
تابعة يتسنى ليك لهلاك
تريكت الابالسة والشيطان
***
الزجال والشاعر:احمد الكندودي *** المغرب ***
ليست هناك تعليقات:
إرسال تعليق