( خُد وهَات ) :
خُد وهَات ويَّايَا وإدِّي
ده الحنان بيزيد في وِدي
لو عاهدتك ع المحبة
حتلاقيني عند عهدي
خُد وهَات ولقلبي حِن
السُكات ده شيء يجِن
نفسي مرة تحس بيَّا
بالمحبة ليه تضِن ؟
لو سقيتني من حنانك
لو تِعَيشنِّي ف امانك
راح يهُون الصعب عندي
لو حبيع الكون عشانك
خُد عُيوني وهَات محبَّة
حتلاقينا حبَّة حبَّة
نوصِل المسافات ما بينَّنا
نوصِل الشوق بالمحبَّة
خُد وهَات إوعى تراهِنِّي
إن غِيري اولَّى منِّي
ده انت لو جرَّبت حُبي
مُستحِيل تستغنى عنِّي
خُد وهَات واشرب ف كاسِي
إنسَى همَّك والمآسِي
مهما حتتُوه في البُحور
مركبك على شطِّي راسي
مهما حتتُوه في البُحور
مركبك على شطِّي راسي
بقلمي الشاعر جمال زكي عينر
ليست هناك تعليقات:
إرسال تعليق