#إبعت_لحبيبي_السلام
يا قمر و منور في السما
إبعت لحبيبي السلام
و قول له أنا صابر إنما
في قلبي ليه كتير كلام
و قول له عيوني سهرانين
و إزاي في بعده العين تنام
و شوقي إني أشوف عينيه
و أقابله جار برج الحمام
و إزاي و ليه أنا كلي شوق
ألمس كفوفه و أدوب قوام
و أحضن بعيني رموش عينيه
و أحكي له عن سر الغرام
عن عشق و حلم ليوم يكون
جامع قلوبنا في حب دام
و قول له إني خلاص نسيت
في بعاده معني الإبتسام
و عيوني دبلت من الدموع
يرجع و كفايه بعاد حرام
#هاني_احمد_علي
ليست هناك تعليقات:
إرسال تعليق