🌺🌺🌺🌺🌺🌺 حبة رتوش 🌺🌺🌺🌺🌺🌺🌺
لسة فاضل في الحياة . حبة رتوش
ضحكة حلوة . أو أمل . يملى الوشوش
يعني مهما نقول تعبنا . ربنا . قادر يحوش
ايوة مهما الحزن يهجم . فَرحِنا ييجي بجيوش
مش هنكره . ولا نإلم . الحكاية في النفوس
دايرة فيها كل حاجة . كل يوم . بنشوف دروس
حتى كلمة السعادة . قالوا طبعا . في الفلوس
نسيوا إن الكون عبادة . والرضا . هو الناقوس
اللي يكدب . واللي يغدر . والنميمة . في الجلوس
ياخي غيرنا النوايا . والنفاق . معانيه ف قاموس
كل ما نفكر في ضحكة . يجرحوها بألف موس
مهما قولنا كل آاااه . ولا عشناها كابوس
ولا شوفنا الدنيا غابة . كل سكانها وحوش
مش هننسى نقول يارب . كل طلعة نور شموس
ندعي دايما باليقين . والندا ياحي يا قدوس
اجعل شفانا في الرضا . ويكون ختامها في الفردوس
ونعيش حياتنا بالأمل . ونزيل كمان كل الرتوش
🌺🌺🌺🌺🌺🌺🌺🌺🌺🌺🌺🌺🌺🌺
شادوليات
شاذلي محمد عبدالرحمن حسين .
ليست هناك تعليقات:
إرسال تعليق