الهجرة
____________
ماتيجو نهجر معاصينا
ونعيش في طاعة لربنا
ودا اللي وصى عليه نبينا
هتكون أحلا هجرة لنا
نخالف للنفس العاصية
الطاعة ليها كانت آسية
ونصاحب النّاس الراسيه
منلاقيش ابدا زَيّنا
_________
نشعر بالرضا الإلهي
لو عملنا بالوصية
لو نهجر دُنيَا التلاهي
نعيشها أيام متوضية
وندعي يقبل توبتنا
ونُصدُق ايوه ف دعوتنا
صادقين جدا في كلمتنا
والحياة راح تبقى هنيّة
________
نقرأ في سِيرة شفيعنا
نُسرُد من الأول للأخر
مش عارف إيه اللي مانعنا
علشان نعرفها ونتفاخر
ونعلّم أولادنا السّيرة
مايشوفوش ف يوم الحيرة
دنياهم تبقى احلى مسيرة
ولدينّا ما حد يكون ساخر
_________
بقلم الشاعر رمضان عبدالله أحمد
ليست هناك تعليقات:
إرسال تعليق