✍🏻✍🏽 WmrDalia🤎🧡Hany ✍🏽✍🏻

 #سجال_مع_مبدع

هذه المرة مع الشاعرة المتنوعة المبدعة

Dalia Wmr

بعنوان #عشق_بجنون

#هاني:-

———-

إنتِ ليه قلبك بيحضن الظنون

ليه تداري عني رمشك و العيون

يللي بيكِ بس قلبي قال حاعيش

يللي بيكِ حلفت إني اكيد حاكون

—————————————

#داليا:-

———

بإختصار .رافضة أعيش عشق بجنون

واللي عشقوا قبلي دابوا م الآلم ومن الشجون

والفراق قصة متعاشة ما بتنتهيش

خايفة عليك إنك تقرب أو علي قلبي يوم تهون

———————————————

#هاني:-

———-

لأ يا أجمل عشق ليا مستحيل 

قلبي كان يقدر لغيرك يوم يميل

و فغرامي و فكلامي ١٠٠دليل

مستحيل لو يوم افارقك أو أخون

—————————————

#داليا:-

———

لو حلفت بعشق كل العاشقين

لو فضلت العمر تحلف ميت يمين

فكرة إني أعشق مش ممكن تكون

مش هنكر إن في بعادك ليلي طويل

قلبي مش محتاج دليل 

عارف إن قلبك ليا عاشق وباينه 

جدا كل همسه مهما بتداري العيون

———————————————

#هاني:-

———-

عشقي ليكِ إسألي عنه السنين

لو بعدتِ تبات عيوني حيرانين

ساكنه روحي و ساكنة بوحي في السكون

نفسي إيدي في حضن إيدك تستكين 

نفسي تبقي في حضن عيني و الحنين 

تحسِ شوقي من غرامي في كل لون

—————————————

#داليا:-

———

خايفة يسرقني الهوي

ألقي أسمي غرقان وسط موج المجروحين

خايفة نسرق م الزمن لحظة

سعادة ووسط غيم ورياح ورعد

الصدمة تكسر قلبنا تصبح

ساعتها صدمتين 

أيوه بعلن إني عاشقة وليك بقولها

إني هويتك 

وفوق كتافك ..كان صعب أمنع

يجروا مني دمعتين

———————————————

#هاني:-

———-

 اننا نفضل سوا

حلم بيصاحب منامي و العينين 

يللي حبك الدوا

و العلاج لنبض قلبي و لحنين

إنتِ عشقك قصتي

و البداية و النهاية لشوق دفين

#النهاية