عادي
تتقفل ف وشك
والكل يغشك
وبكل سهولة
الدنيا تهشك
وتحس ساعتها انك حشرة
عامل ف حياتك أزمة
اجمد عادي ولا يهزك
اصبر خليك راضي
بكرة الحظ يزورك
ويزغرط ف وشك
عادي كله كلام فاضي
افرد بوزك
افرد وشك
ساعة تغشك
ساعة تهشك
بس عمرها ما هتمسك رزقك
كله بأمره
كله بوقته
بس اطمن ربنا بيحبك
مهما اتقفلت
مهما اتقلبت
مسيرها تروق و تفتح ليك
تحلو الدنيا ف عينيك
يجي اللي مكنش بيسأل فيك
يتمنى بس يسلم عليك
والحظ يفضل يحايل فيك
وانت راضي ولا يهمك
عشان بس عملت اللي عليك
رضيت بكل اللي كتبه ربنا ليك
الكل هيتغير ليك
الدنيا هتقف ف صفك
والحظ مسيره يصاحبك
وأكنه بيصالح فيك
#عادي
#من_وحي_الصورة #نظرية_الياسمين
#رسايل_مع_ياسمين_حافظ 💌💟
ليست هناك تعليقات:
إرسال تعليق