* جايز *
*جايز كلامي يوجعك
يمكن حروفه تجرحك
انا كنت ياما بسمعك
وأعشق عينيك
بس الخيانه بالدليل
الحب جوا عنيك قتيل
عملت كل المستحيل
حرام عليك
*ازاي بتجرح أو تخون
إزاي هوايا ليك يكون
نزوة عايشها كل يوم
كان عقلي فين
ازاي ما حستش الكلام
ازاي عليك قلبي دا هان
عايشلي دور الدنجاون
طول السنين
*خلتني لعبه بين ايديك
استاذ كلام جوا عينيك
خلتني عايشه أيوا ليك
عليك بغير
وانت بتخدعني وتخون
ولغيري ايوا كمان تكون
عملت قلبك زي كون
يساع كتير
*صبرت ياما ع الجراح
وأقولها تاني خلاص سماح
ما كنتش أعرف إنه راح
عمري بلاش
وأما إتفاجئت إنه خلاص
قلبي عليه منك إنداس
مات جوا قلبي الاحساس
وراح ما جاش
*حسست قلبي بالضياع
زي ما بعت القلب باع
أخر طريقنا خلاص وداع
يمكن تفوق
إنت نهيت بينا الطريق
وانا قلبي كان حبه بريء
جوا خداعك مات غريق
من حزنه دووق
#كرم ميخائيل
ليست هناك تعليقات:
إرسال تعليق