يالوطن
يالوطن خاطري مكسور
متل جناح عصفورة
كنت مراية، شوف حالي فيك
بكرامتي وعزتي مغرورة
يالوطن انكسْرتْ صورتي فيك
لمّا شفتْ مرايتك مكسورة
ساد الجهل فيك وحكم
والعلم انطمر بالجورة
أزعر بسلاحو يقطع طريق
كرمال عيون أمورة
المواطن ع بواب ينذلّ
خبز،غاز،وفاتورة
يلهث متل (...) طول اليوم
يرجع يسب الدني وفجورة
مطحون بين رحى قوانين
من الغلا وانخفاض لأجورة
انخاف الحلم بٍ بكرة جديد
تطلع أحلامنا فيه محظورة
يالوطن تعبنا صلّح مرايتك
مستقبل ولادنا مو حلو بالصورة
بقلمي فريزة سلمان
ليست هناك تعليقات:
إرسال تعليق