((دروس الدنيا))
بقلمي (منى شحاتة)
جمهورية مصر العربية
اتعلمنا كتير ف الدنيا
وخدنا فيها ...دروس
دروس دفعنا فيها كتير
بس ياريتها ...فلوس
دروس من ناس عاشت
على قلوبنا ...تدوس
تدوس من غير رحمة
ولاشفقة على قلب
بحبهم كان ...٠مهووس
مهووس لدرجة فقد عقله
بحبهم خلاه أصبح...ملحوس
ملحوس لدرجة العمى
مشفش جوا قلوبهم...السوس
سوس بينخر ف قلبه
ببطء وكان عليه ...مدسوس
مدسوس من ضماير ماتت
لكن من ربك كان... محروس
محروس لانه نظيف
وطاهر لكن للأسف... منحوس
منحوس لاختياره الغلط
وأصبح من نفسه...مكسوف
مكسوف لأنه ادى الأمان
كتير ودلوقت أصبح
عايش في ...خوف
خوف من اي كلمة
حلوه يسمعها بقى كله
زيف وكلام...ملفوف
ملفوف بورق سلوڤان
متذوق من بره وقت
مايفتحها ياخد على
وشه...كفوف
كفوف تنزل وقتها
من غير سبب ليه...معروف
لأنه وقتها كان تايه ف
كلام معسول...ومرصوص
مرصوص بدقة وبراعة
لقلب خايب...موكوس
موكوس لأنه فاشل
ف اختياره لكن اتعلم
خلاص كل...الدروس
دروس فادته وخلاص
مش هسيب حد
عليه تاني...يدوس
ليست هناك تعليقات:
إرسال تعليق