🧡خالد نادى💛

 #لسه_في_أمل  { ٤ }

_ تعرف يعني ايه يكون في حياتنا الصدق في كل حاجه يعني تحس الحياه زي المرايا شايفين فيها نفوسنا وقلوبنا وكل حاجه حلوه جوانا وعايشين معاها ما الصدق ده زي النبت الأصيل يطلع من أرض خصبه باصص للسما يقابل الشمس في الصبحيه يحكيلها حكاياته  ما الصدق حبيب كل حاجه حواليه زي الصاحب الجدع الشهم الحنين ليه  في كل مكان حبيب وأنيس والكون كله يناديه كل يوم مع  كل طلعة نهار ما هو الصدق ده جنه ورحمه ونور.....

ولو في يوم حبيت تتكلم أكيد لازم تدور على حد صادق وده أول شيء وبعدها تيجي حاجات كتير لأن الصدق ده

هو بداية الخير والراحه والكلام اللي طالع من القلب يدخل القلب على طول ما هو صادق من غير ألوان واضح ينادي اللي زيه ولكل واحد صادق عايش بينا نقوله ألف سلام وتحيه ونقوله خليك مكانك احنا اللي لازم نجيلك ونقعد معاك ما انت العالي والغالي وكل الناس بتدور عليك ويوم ما نلقاك من غير تفكير نحس بالراحه ما احنا قاعدين مجاورين اللي عمره ما يكذب ولا في يوم يخون.....

_ ولكل واحد فينا عرف إنسان صادق أوعى يفرط فيه

يروحله دايما وكمان يعرف كل الناس عنه يكتب اسمه

في كل حته وفي كل مكان يقولهم إني صاحبت صادق 

في وقت صعب أوي نلاقي فيه حد لسه عايش بالصدق 

يتكلم عنه يصرخ بأسمه علشان كل الناس في زمانا ده

تعرف إن لسه في صادقين ما يخونوش العهد ولا يكذبو في يوم ولسه فيه منهم بس محتاجين نتكلم عنهم عشان كلنا نتعلم منهم نعمل زيهم نكرر كلامهم وأفعالهم يمكن نقدر نكون زيهم نعمل أي حاجه بس نقرب منهم ولسان حالنا بيقول #لسه_في_أمل 

#ولسه_هنكمل_استنونا 

خالد نادى