شنو كاتلي نبي وحالف عليه
من بعيد ايبين الكاتل كتل
لايفيد الحلف واحلف ما اكول
وكلها متورجه عليه وما ازل
انه مامشترك وي كَيم مقام
ناخذ نذور اليفقدون العقل
ولامجلب من ورى بقمصان اخوك
ومن دبر قديته وبحجة ثمل
ولامطكطك حرمل بجلة الظلام
ولامسية غروب أوجن واشتعل
ولا لعبنه بليل غميضه وحرام
وبدلينه شكولنه وردة فعل
لا نقربز عاجر نحط بيها توم
ولا نواعدهن بخرخاشة طفل
أنه ما أجفل بشر وبوجهه اغيض
طبعي أسليمان حتى وي النمل
ميه بالميه دعوتي اضبطها كون
علمكان ووين ينقام الحفل
هيه جلمه الدنيا مو روح وتعال
حتى ما انحرج عدما انسأل
الشاعر كريم علي شاهين الطائي
ليست هناك تعليقات:
إرسال تعليق