#بالعاميه
#يا_خال { ٧ }
ما تقولنا يا خال
ده الغلا طاحن فينا
من غير سؤال
قالي ما انا قولت
كتير زمان
ولسه بقول
نسينا رب الكون
وقعدنا نلوم الأيام
افتكرنا عيشتنا
بكام وازاي
واكله ونومه
وبيوت ماليها
الكره؛ والزور
نسينا الفقير
ودوسنه برجلينا
ما احنا اتحضرنا
واطورنا
سبنا الحرام؛ والعيب
عايشين بوش مكشوف
مبسوطين ما احنا
شفنا الكدابين حلوين
وشتمنا الطيبين
قولنالهم زمانكم راح
ومكانكم مع الميتين
فينا الغني رمى
طوبة اليتيم
فاكره بس باكله
لما يجي شهر
الصوم
قال ايه
انصبوا الخيم
وابعتو الوجبه
يفوت الوقت
ننسى التعبانين
ونفتكر مصالحنا
مع مين؛
ولسه كتير
يا ولدي
امشي اليوم
ولو فيك حيل
نكمل بعدين
#ولسه_هنكمل_استنونا
خالد نادى
ليست هناك تعليقات:
إرسال تعليق