،،،،،،، حياة الحرمان،،،،،،،
عامـــــــــــــــــــــــــى
بقلم/خالد كرومل
من صغر سني عايش في الدنيا تعبان
أصل التعب اتخلق لكل إنسان
بس في واحد ياكل ويشرب يصحى وينام
وواحد شارب المر من التعب يبات جعان
دنيا فيها الغني مرتاح في هدومه دفيان
وفيها الفقير تعبان بهدوم خفيفة بردان
ملعون ابوك يا فقر في دنيا كدابة
دنيا عاش فيها الفقير بين القصور متهان
خلي التاريخ يحكي عن غني عاش فرحان
وجنب بيته عايش فقير حاضن الأحزان
يعدي الشتاء في برده والصيف بنهاره حر
وتعدي السنين واحد بردان حران والثاني سكران
يمكن الفقير كان جعان لكنه كان إنسان
في عز جوعه وعطشه كان يشكر الديان
جرت السنين حتى العمر فات
وف ساعة الممات اتلفوا الاتنين في الاكفان
خالد كرومل ثابت
ليست هناك تعليقات:
إرسال تعليق