بمناسبة حلول العام الجديد...اهدي لكل من فقد حبيبه...بأي سبب من الأسباب. ..هذه الأبيات بالشعر الشعبي العراقي...
كل سنه غير حبيبك
كل عام وأنتِ أبخير
و خليني أبحزني
و لا تهتم
كل سنه وأنتِ ويايه
و اليوم ويا الغير
و يجيك أبيوم تتأسف
و تندم
جنت وياج جنح
و طير
هم شفت طير
بلاجنح بالسما ينجم
شغيرك
يالما جنت تحتاج تغيير
و شسوى الكَلب حجارة
و ما يتألم
مو أكتبتلك قصايد شعر
و أحلى تعبير
و جنت من كثر الاعجاب
تسكت و ما تتكلم
و تزعل و تجي اتصالح
و الكَلب مسكين
يبلع و يكتم
مو كل من مشى
الدرب أعوج
من العصور يسلم
و نسيت كل الي جرى
و ابغير دربي اتسير
و تتنعم
و سنة الجايه
هم غير حبيبك
بلكي هالمره تركَد
و تتأقلم
بقلمي حسان ألأمين
ليست هناك تعليقات:
إرسال تعليق