(( معقول قلبي دق ))
بقلمي ((منى شحاتة))
جمهورية مصر العربية
مش معقول قلبي دق ..
لأ لأ.
اوعى يكون فعلا
هو رق
أه يااااه ياخبر
ده فعلا بيدق دق
لأ ده كمان
طب طب ...
تؤ تؤ عندك حاسبي
أوعي له تقربي
أو تحاولي تجربي
بصي وراكي وافتكري
كل اللي فات
وارجعي بظهرك لذكريات
حب قديم راح ومات
اسكت انت اوعى
سبني له اقرب ...
إيه يعني لما اجرب
سبني ابعد عني يلا..
عايزة بيه اروح ارحب
انتي فاكره أنه
ليكي هو حب ..
حاسبي بقولك ده سراب ...
أرجعي بسرعة
وأعملي يلا إنسحاب
وأقفلي وراكي كل باب
واوعي تردي
عليه جواب
صدقيني ده كداب
مش هتشوفي
غير عذاب
وتعيشي في بكا
وأنتحاب
ارجوك كفاية
لوم وعتاب ...
ممكن تسمعني وتحاول بس تفهمني
طيب قولي..
يلا جاوبني..
ايه معناه وأنا
وياه ببقى طايرة
فوق السحاب
ولما بيبعد ببقى
تايهه وبحس ليه
أنا بأغتراب
يبقى ليه
مافتحش الباب
يووووه أنا منك
خلاص تعبت أمرك
ياستي أمرك مجاب...
بس أستني ليكي
مني في يوم عقاب
لو طلع في
يوم كداب..
أنا حذرتك اهو
وهسيبك روحي
ياستي افتحيله
يلا الباب..
ليست هناك تعليقات:
إرسال تعليق