الحب اساس العدل
الاقيك فين ياعدل
وحبيبى طبعة النسيان
مها افكره.... نسى
رحت طبعت الحب
دستور ف كتاب
ذاد ف النسيان... نسيان
والشاهد... طبع الانسان
الحب اساس العدل
صدقنى سر الحياة
الحب مخلوق صديق
ف القلب...غريق
عايم ع الاوهام
بيدور ع شط امان
ف بحر غويط
له صياد قالوا عليه الزمان
الحب اساس العدل
ف المحاكم والاعراف
والعرف خلاص انتهى
لما حكمت المحكمة
حكمت ع قلوبنا
منقولش ع اللى نحبه
منقولش ع اللى نكره
ونعيش حياة النفاق
الحب اساس العدل
نسأل الطير ف السما
ونقيس جنحة الريش
وكمان..... نوزنه
ونفاصل ف الحساب
وفاصل ونواصل
فننسى اللى فات
والجواب كله مسيرة الموت
الحب اساس العدل
حب الزرعة والثمارة
والنخلة ام طرحة حمرا
والتور اللى بيدور ساقيه
والعشق ف عيون الصبيه
خالا الصبى فتوة
هى ديه الحياة
موزنه ع الشعرة
مع تحياتى /طارق عبد المنعم
من ديوان الحب اساس العدل
٢٠٢٣/٣/١
ليست هناك تعليقات:
إرسال تعليق