(٢)
الحب اساس العدل
اضرب وأعلن الحب
حلق حوش ف الشوارع
وعند البيت اعمل مطب
للى رايح وللى جاى
صح غلط ميهمش
المهم الكل يدوس
وتتحمل بأسم الحب
الحب اساس العدل
ندهن المبانى ابيض
وقلب سكنها اسود
قفلين كل شبابكهم
مصورين كل ببانهم
خايفين من الحرميه
اللى مالين الشوارع
بينبشوا ف زبالتهم
الحب اساس العدل
اسأل سعيد الحلوانى
ابو كلام عسل
وحته ع البيعة
للكل زبون سخى
واول ما يسخسخ
من جيبه الصايم
العسل يقول بخ
الحب اساس العدل
ابصم ووقع شاهد
ووازع شربات وبرقع
اضرب رصاص وزقطط
ارعب معزيم هتفرقع
من جوازة حرشه
فيها العريس والعروسة
دايسين ع ميت مليون
الحب اساس العدل
بحلق ف يفط المحلات
فلان ارخصهم
فلان اأمنهم
وعلى كدة عايشين
ع الدين والدعم
من ناس والله
قرفونا ولسه بنغنى
من ديوان الحب اساس العدل
مع تحياتى /طارق عبد المنعم
فى ٢٠٢٣/٤/٥
ليست هناك تعليقات:
إرسال تعليق