#بنت_قلبي
يا بنت قلبي
يللي عينك
ليل بطُلُه
يللي رمشك
سكِّن الأحلام
في ظِلُه
خلي قلبك يقرا
للمكتوب في عيني
لما اشوفك
مش حيبقى
شيء فاضل له
ما أنتِ أصلك
عندي…….
أحلى عادة
و السعادة
إنه يسمعني
و أقول له
شعرها …
سهر الليالي
لو تداري
جوا ليله
أنا ليه بميل له!
خدها….
في الكسوف
دايماً منور
ورد أحمر
زين المنظر
ب فُلُه
قدها….
أجمل قوام
و الكلام ..
مش حيكفي
الوصف كله
كلها….
زي ما ابتديت كلامي
بنت قلبي
و هي روحي
و هي قصة عشق
مهما أبعد
ب أروح له
#هاني_احمد_علي
ليست هناك تعليقات:
إرسال تعليق