. ( اشوفگ غير )
اشوفگ غير شوف النّاس للغالي
واقدّر كل همسگ وكل ما اتقوله
حسافه اللولويشكي والثّمن غالي
وغريبه وعالزّبرجد ما حدّ ايطوله
وفديت لشوفتگ همّال بلبالي
وروحي اللي بحد الصّوره مكبوله
ومن ايقدّر بهذا الوقت للغالي
تساوت في عيون النّاس مجهوله
وسلامي للكرامه بكل الاحوالي
ويا نبعه للحلايا امشكّله دوله
عليگ الله سندتي القلب من تالي
وخليتي الأماني وتنتظم حوّله
وياليت الهواجس ومالها التّالي
اللي ومشغله لبالك على طوله
الله اكبر وكيف الحمر متوالي
يا غابة الدّحنون ابخدّ مجموله
وهنياله اللي منهو للكرم والي
ياكل ثمر مايشبع بليله مع طوله
والله لو اللي على بالي يهيّالي
لاخلك تنسى گلمة بالي مشغوله
والله احسّ بروحي غادرة حالي
وتحوّم حول الصّوره مهبوله
احسّ أني بديت انسج عمنوالي
لكن غزلك شبك غزلي على نوله
واحسّ بقلبي وقام يغني موّالي
لكن لحنك غلب لحني ابمفعوله
بقلمي الشاعر
مرزوق الشراب العبادي
الاردن عمان
كتبت هذه القصيده. ٢٠١٩/٤/٣
على صفحة حل..ااالعد..وان
گ=ch
ليست هناك تعليقات:
إرسال تعليق