زواج صالونات (566)
..................
عمال تتكلم فى الفاضي
وتقول في حياتنا أنا مش راضي
ده جواز صالونات ولا فارقه معاك
في عواطفك بخل ماهوش عادي
أيه شوفته معاك يا سي
روميو ملاك
كلها أحلام في زمن ماضي
لا أنا دوقت معاك فى الهوى إحساس
روايات حكايات
في كتاب فاضي
توعد ما تصدق تتهرب
وفى حضني بعيد قوى متغرب
بينا المسافات بتزيد وتطول ومصمم تبعد ما تقرب
أوتار مقطوعة فى قلب العود
أنغامه نشاذ ولا بتطرب
قصرت طريقي لبيتنا هعود
جاه الوقت لأصرخ وأتمرد
أيه معنى جواز خالي من الإحساس
وحياة نار صيف حار
ما يبرد
بقلم .. صبري رسلان
ليست هناك تعليقات:
إرسال تعليق