الغالب والمغلوب (565)
..................
هانت عليك عشريتي
وفايتني كلي جراح
وبقيت سجينه وجع
ورا دمع عمر وراح
أشكيك لليل وحديتي
لتذوق مرار البعد
وتوه في دمع الجفا
تتمنى يوم فيه سعد
حبيت وقلبي إتكسر
صدقت كدب ووعد
لونت وهمك أمل
خدني لمتاهة وسد
لكفيت حالي دموع
وبناري قدت شموع
فجأة اللي بات موجوع
ربك كساه ثوب ضي
رد في حياته الروح
وطوى له أمس الألم
نساة ده كان مجروح
شاف بكرة فجرة إترسم
راضي على المكتوب
جاه وقت هد الصنم
مبقاش يعيش مغلوب
له سنين ما عرف الحب
ولا حس زى قلوب
أيد غاويه زرع الود
من القسوة تحدف طوب
أحاسيس ومتقسمه غالب وفيه مغلوب
واللي الحياة ردمته
عايش لا روح مغصوب
بقلم .. صبري رسلان
ليست هناك تعليقات:
إرسال تعليق