🖤🖤🖤🖤🖤 عشنا بس ميتين 🖤🖤🖤🖤🖤
لميت يا واد الهدمتين
يعني انت قادر ع الوجع
طول السنين
ابقى خلي بس بالك
ع العيال الخايبانين
أصل ابوهم قال خلاص
مش لاقي حق اللقمتين
خد شبابي وعمري كله
واللي فاضل دمعتين
جوزوني قال زمان
لما كنا صغيرين
كنت حلوة بت أبوها
ياخي كنا مجلعين
لما سبت حضن أمي
جات قالتلي كلمتين
حضن جوزك اللي باقي
ضحكوا يعني مكسوفين
فرحيه وامليله بيته
هاتي عيل او تنين
طبلولي وذغرتولي
قال وغنوا غنوتين
كان نصيبي في الحكاية
بيت صغير كان حزين
حتى جوزي مات وسابني
ويا ابوكم جوه بطني . كان جنين
عدى بيا العمر بجري
والعرق سال من الجبين
حتى وشي من الشقوق
لو تشوفني تقولي مين
والنهاية يا خية داري
اسمه دار المسنين
آاااه يامري ع النهاية
عشنا بس ميتين
🖤🖤🖤🖤🖤🖤🖤🖤🖤🖤
دار المسنين
ماتوا من بخارجها . وكسروا ساكنيها
بأي قلب تترك من رباك لمن لا تعرف
خارج عن المألوف
شادوليات
نحلق دائما خارج السرب
تحياتي / شاذلي محمد عبدالرحمن حسين.
ليست هناك تعليقات:
إرسال تعليق