أوهام الأحلام
بقلمي يحيى حسين
الظاهر إني خرفت
ولسة عايش باوهامي
مع إني كتير أنا جربت
مجلود تمللي بأحلامي
تمللي بتبدأ وردية
بتطبطب ع القلب بحنبة
أصدقها وأقوم أجري عليها
آلاقي أحلامي مش هيه
كأن أحلامي بتتبدل
بزنزانة ما فيها بيبان
محبوس جواها وجلادي
متخفي بقناع الأيام
وأيامي وأديني عايشها
بتكفن أحلامي بخيشها
مظلومة أحلامي المسكينة
أخدوا جناحها وكمان ريشها
يحيى حسين القاهرة
31 أغسطس 2022
ليست هناك تعليقات:
إرسال تعليق