بُذُور الحُب
بقلمي يحيى حسين
ست شهور عَدُّوا عليَّ
منور قلبي بشعاع نوره
بدري الفجر يِيجِي يِصَبَح
يرمي عليَّ وروده زهوره
يشفي جروحي بلسم روحي
كان للقلب غُنَاه عُصْفُورُه
ولمَّا ييجي الليل ويْروُّح
يُشرق قلبي بضي بدوره
لكن فجأة لقيته اتغيَّر
شُفت يا قلب جَفَاه وغروره
وبعد ما دُقت هواه وحنانه
دُقت مرارة هجره وجُوره
علقم ذاب في وريدك لكن
جوه وريدك ناسي بذوره
يحيى حسين القاهرة
12 سبتمبر 2021
ليست هناك تعليقات:
إرسال تعليق