ألوان الحب
بيغيب الحب وننساه
ونرجع نفتكره من تاني
والحب حقيقي يا محلاه
وأصعب حاجة في أحزاني
الحب حلم بنحتاجه
نحتاجه وهو ما محتاجنا
بياخدنا بعيد بأمواجه
يغرقنا الحب في أمواجنا
يشوقنا لبكرة ولبعده
نايمين صاحيين علشان بكرة
وجربت كتير كمان بعده
وقاسيت إمبارح من الذكرى
وكمان اليوم قاسيت تاني
فكرني الحب بأحزانه
رسمت الحب بألواني
والأسود أصعب ألوانه
يحيى حسين القاهرة
31 أغسطس 2022
ليست هناك تعليقات:
إرسال تعليق