قبل ما اموت هسيب حسابي مفتوح
و كتاباتي وقت البوح
وفرحي وحبي ونسياني
وكل حالاتي
وهنسي القسوة
والفرحه اكيد هكسبها
لإني دايماً بتمنى
يشوفوني حبايبي
ينسوا الهم يقابلوني بفرح الروح
يمكن في يوم اكون ذكري
بتمحي الجرح وتملي القلب بالفرحه
ألاقي حد يدعيلي دعاء من قلبه
يتمني لو ترجع بينا الدنيا
يفتكر لحظه حلوه
يطلبلي الرحمة يترحم
وقت الموت
قلمي هيكون موجود
يستني
يكتب حالة مود
يركن في صوته خمود
تستناه صفحة بيضة
تشوفه تلاقيه مكبوت
تفضل من غير كلمات
لحظة أنين وردود
هيكون لي شهود
منهم احساس ناطق
وكلمة حق
وقلب انفطر
وفرحة عين وقت بوح
لذة رضوخ
لقاء محبوب
سلمت وعمري راح
نتقابل في يوم مشهود
وفي خاطري شايل
أمنية روح
بترجاها من رب معبود
لحظة غيابي
هيكون حسابي مفتوح
رحيل_الموت
🖋️قلم نورهان محمد علي✨
ليست هناك تعليقات:
إرسال تعليق