علّْمْتّني
***"**
كنت فاكره
إن من غيرك هضيع
وإن زهرة قلبي
هتدْبّلْ في الربيع
وإللي اشتري م الحب
بُكّْره راح يبيع
ولقيت كل ده أوهام
لسه الحياه بتْسِير
وإللي فارق مش كتير
والطير لما بيّنْجرح
يرجع تاني يتعلم يطير
وانا قلبي داوِيتُه وعلّْمْتُه
بعد ما كان عندك أسير
لكن يا خساره ع الأحلام
كان حُبْي لسه بيبّْتدي
والقلب جواه الأمان
مش عارفه ازاي
فجأه أنتهي والشمس
طلعت من زمان
ورّْتْني الهنا مره ٠٠ وسبْتّني
وسرقت من قلبي الحنان
جربت مره ٠٠ وإنتهيت
ورجعت تاني ٠٠ وابتديت
أداوي جرحي ٠٠
مع النسيان ٠
كلمات / عزت عوض
يناير ١٩٩٣
ليست هناك تعليقات:
إرسال تعليق