بقلمي/عبد الحفيظ جابر شيبه
أختك
إلحق إللي باقي من ريحة أمك
أختك إللي مهما بعدت عنها
تروح لها تقولك تعالى
يا اخويا ولا يهمك
وبسرعة تجري عليك
وف حضنها تضمك
وتقولك تأكل ولا تشرب
إحكيلي يا خويا همك
مش هتلاقي قلب
غير قلبي لأفراحك
وأحزانك يلمك
روح لها وقولها
سامحيني ياختي
من زمان ما زرت دارك
ولا ف وقت الشدة
لجل الظروف ما كنت جارك
لكن عمر قلبي ما نسيك
كنت دايماً في أفراحي شريك
مش هتحمل دمعه منك
ولا دعوة تطفي نارك
دا انتي اللي باقية
من ريحة أمك
لو بعدتي مين
غيري يضمك
بقلمي/عبد الحفيظ جابر شيبه
ليست هناك تعليقات:
إرسال تعليق