....... أنوار ايمانك .......
لا حضن يعوض حضنك
ولا حنان يعوض حنانك
وردى كان على غصنك
كان مرتاح فى احضانك
وعطره كان فايح منك
وإتربى فى واحة بستانك
طول عمره بيتكلم عنك
وعروقه بترتوي من شريانك
شهادة الورد فى زمنك
يا امه فيها رحيق لسانك
والسجاده فيها ريحتك
والسبحه بتردد قرأنك
والشال علي شماعتك
والإسدال إللى كان عنوانك
لسه يامه على سجادتك
وراحته كانت على كيانك
وسجودك ببصمة قورتك
منقوووشه بأنوار إيمانك
...................................
...... حسن الشوان 🇪🇬......
ليست هناك تعليقات:
إرسال تعليق