ليــــــــــــــــــــه
ليه اتقسمنا لألف حزب وألف مله
ليه أبتلينا بكل داء وبكل عله
اختلفنا حتي في طلوع الاهله
افترقنا وكل منا فى اتجاه
كل منا أصبح له كعبه علي هواه
اللى بيركع فى الكرملين
واللى ساجد فى واشنطن
واللى مسعاه من باريس
واللى بيتوسل بلندن
واللى عايش بينا لاهى
والى بين اصنأمنا تاه
كله تاه----كله تاه
-------------------------------
كأن ناقصين جرح تانى
كأن خسرانا اماني
من كتر عشريتناا الهموم
صارت أحزانا أغانى
نشيد الصرح فى سنين
نهدمه تانى فى ثوانى
لا اخدنا عبره من اللي فات
ولا فادنا درس الأولاني
ومدام ركنا للخنوع
وغرقنا في ذل التداني
وحفرنا بأيدينا القبور
لشرفنا والسيف اليماني
وحبسنا عنتره في السجون
وابن المهلهل والشيباني
ورضعنا من صدر اللئام
إذاي تبعثرنا الاماني
الاهل في خيام الشتات
او غرقي تلفظها المواني
وبناتنا ضايعه في الحارات
تنهشها نظرات الزو..........
الأقصي بصرخ مستجير
لأمتي أحرم من اذاني
والقدس بينادي الجميع
بالفرقه فتتم كياني
ما بين الضفه والقطاع
صراع وفيها الكل جاني
واحنا السكاري في البارات
او صرعي في احضان الغواني
والنخبه تنعم في القصور
ترميلنا فضلات الصواني
ومدام سلاحنا بالصياح
وحروبنا بكليب الأغاني
لا تنتظر منا الفلاح
ولا فيه رجا للمجد تاني
ضاعت بإيدنا الف دار
وانكسينا بكل عار
في الملاهي وع القمار
ضاعت السبع المثاني
----------------------------
ياأمه يامتفتته فى كل اتجاه
ياجثه يامتحنطه فى توب الحياه
قطيع وكلب يجمعه أو صوت عصاه
من بره لابسه هدمتك
ومستعاره كلمتك--
-وبلقمتك
سلمتى غيرك دفتك
فرطى يامه فى عفتك
ومحيتى أصل هويتك
فين همتك-
-فين عزتك
ضاعت يا امه ثروتك
لحد ما بقينا عر اه
-----------------------------
بالأمس كنتى نور ونار
الأمـــر بايدك والقرار
كنتى العظيمه والمنـــار
صبحتى دميـه فى ايد حواه
-------
من نبع خيرك
سمنتى غيــــرك
ناسيه اللى فــــات
ودورتى تانـــــــــى
على الصوانى
تاكلى الفتـــــــــــــــات
بتلمى باقى
ايه اللى باقى
يا أمه دايما
عاشقه البواقى
الفرن طافى
والغيط شراقى
والصبح ليل
وابنك مقيل
على ضهره نايم
واقفه السواقى
وان مره فاق -
-م النوم وراق
يطعن أخوه
ويقول فدائئ
--------------------------
يا غريبه عن زمانك
يابعيده عن مكانك
يللى حيرنى جنانك
شوفى مين كان دربه بعدك
عدى قابلك
خد مكانـــــــــــك
لولا لهوك وابتزالـــــــــــــــك
لولا خوفك وانهزامـــــــــــــك
واستكانتك لمتهانـــــــــــــــــك
ماستجرتى
بسيف عدوك من وليدك
ما ارتوى
ظمأ الأفاععى من وريدك
ما رأيتى بأم عينك
عبد صبحك -------أمسى سيدك
----------------
ليه خرجتى عن مدارك
وابتعدتى عن مسارك
ارتديتى الذل بيدك
وانكسيتى بخزى عارك
لو بايدك مابايدك
او قرارك من ضميرك
ما خرج عالطوع وليدك
ما اختلفتى فى أص ضفرك
وأتفقتى فى قطع ايدك
خلاص يا أمه
ماتوا الأأمه
ولا عدش منهم
غيرتوب وعمه
النخل نام
والقرع قام
والعقل صام
والصمت حكمه
معدش لينا
شئ من اللي لينا
كله بأيدينا
ضاع من ايدينا
منلومش غيرنا
ونبكي خيرنا
السوس ناخرنا
والعيبه فينا
ضيعنا حالنا
من عجز حالنا
وأصبح حلا لنا
اليوم محالنا
الطيش وحلنا
والخوف سحلنا
والغير نحلنا
ولا دار تسعنا
من عهد مينا
صدقونى
أمه غايبه عن زمانها
أمه تاهت عن مكانها
أمه متفتت كيانها
أمه نستجدى أمانها
أمه مابتملك طعامها
أمه مسلوبه قرارها
أمه بتحضر كفنها
والقبر مفتوح في انتظار
أحمد محمود عوض سعيد
مقتطفات من قصيده
ليست هناك تعليقات:
إرسال تعليق