🥀🥀إنتهت الباقة🥀🥀
أصل الشعر ياعالم روح .!!
بيجدد جوانا ..... الطاقة
نلقى قلوبنا .. معاه بتبوح
بمشاعر ..... حلوة وبراقة
بتداوي ..... جوانا جروح
ويا آلام الناس تتلاقى ..!!
وبتتولف .. روح مع روح
تربط أرواحنا ... بصداقة
نلقى القلب آوام مفتوح
يحضن فرحتنا ويتشاقى
تنسى عيوننا البكا والنوح
بعد سنين أحزان حراقة
كروان غني لوش صبوح
صادف بسمتها المشتاقة
اتاريه حلم وتصحى الروح
على إشعار ( إنتهت الباقة)
✍️ الشاعرة/ زينب سليم أحمد ...
ليست هناك تعليقات:
إرسال تعليق