#الغردقة_الحبيبة
قصيدة ( على جنب يا اسطى)
على جنب يا اسطى
ممكن اننزل
أو احاسب ع اللي فات
اوعى تنسى الباقي
ممكن
يبقى حبة ذكريات
لو هترجع
خدني تاني
للحبايب واللي مات
للنفوس الصافية يعني
حاجة من ضمن الصفات
لو هنبدا في الحكاية
بالحقايق .... معجزات
خدت بالك من السعادة
اللي جاتلي من سكات
لما عشت الماضي لحظة
عيني لمعت
دمعة جات
بسمة حلوة
وقلبي دقاته بأهات
شوق وفرحة
ونظرة سارحة
وتوهة من كل الجهات
أصل جوه الفرحة حزن
ع اللى عدى جوه مني
شال وحط
هزار وجد
ودايره بتلف بثبات
والحنين
قايد في ناره
عد عمري ..... بالساعات
والحيطان بتلف داره
مهما يقدم . بردوا عاد
بس سابلي معاك هديه
في الشوارع والحارات
كل مرة اركب معاك
تبقى نفس الذكريات
على جنب يا اسطى
يلا هدي
بكرة وف نفس الميعاد
شادوليات
شاذلي محمد عبدالرحمن حسين.
ليست هناك تعليقات:
إرسال تعليق