. (احاول)
احاول،،!؟
احاول،،،
احاول،،،
ومش راضيه تزبط،،،
مش راضيه تزبط،،!؟
وارجع احاول.. احاول.. احاول،،،
ومش راضيه تزبط،،،
مش راضيه تزبط،،!؟
واوقّف بعدها آتسأل،،!؟!؟!؟
واشوف انّي طالع عن الخط،،!؟
احسّ انّي طالع عن الخط،،،
وأرجع احاول.. احاول.. احاول،،،
واشيل فيها واقيم واحطّ،،!؟
واگازي فيها بكلّ الوسايل،،،
اغيّر افكاري وارجع اخطّط،،!؟
لكن تخطيطها يضلّي مايل،،،
وحتّى النتايج تطلع تثبّط،،،
واشيل بيها واقيم واحطّ،،،
لكن نتايجها تردّ المسايل،،،
وترجع ترجّعني لأوّل الخطّ،،!؟
وارجع أخطط.. من اوّل احاول،،،
ومش راضيه تزبط،،،
مش راضيه تزبط،،!؟
ابدّل واعدّل.. وابدي وما اكمّل،،،
واشيل خطّ.. واحطّ خط،،،
اظلّي احاول.. احاول.. احاول،،،
لا راضيه تزبط وتصير زينه،،،
ولا راضيه تخرب.. مطٍ بمط،،!؟
مبارح تعدّى عيونه حزينه،،،
واليوم قاعد وقاضب تفاؤؤل،،،
وبكره يترجّى وعلينا يخبّط،،،
لكن دايرتها.. دايره رزينه،،!؟
ثقيله وشينه،،،
وانا اتشبث بكل الوسايل،،،
لكنها ترميني تقرطني قرط،،،
كيف بغشيم وسايق سفينه،،!؟
امواج وتلاطم.. حبال وسلاسل،،،
وتمضي حزينه.. وتلفي حزينه،،،
ليالي تجيب البلاوي معاها،،،
وتحطّ حطّ،،،
تشوف الهموم جيوش وجحافل،،،
وحلحل ياعاقل ان كنت عاقل،،،
وهاتلي حلّ،،،
بس..بس..بسّ.. لولا الاملّ،،!؟
بقلمي الشاعر
مرزوق الشراب العبادي
الاردن عمان
كتبت هذه القصيده ٢٠١٨/١٠/١٠
رد على منشور.. زاد..المت.. قيم
وقفت عند هذه القصيده طويلا حاولت تجزئتها ولكن التجزئه تهدم الفكره الاساسيه لهذه القصيده وتغير الشكل العام والجرس الموسيقي واخيرا نشرتها كامله واستميحكم العذر للاطاله،،
إلى كل معذب على وجه هذه البسيطه إلى كل من يعاني مثلما اعاني الى كل من تكبله الاقدار والضروف وتلوكه الحياة بانيابها القاسيه هذه مني لك.
