اهواك يا قمر الزمان
يا روح مناى البشتهيك
سافرت حد الأمنيات
ورجعت بى شوق السنين
الكاتمو جواى العليك
اهواك نسمة شفيفة جاية
جاية تتحدى الزمان
انو غيرك أبقى ذكرى
وفيها خاصمت المكان
شفت فيك أجمل عواصم
وتهت فيك لمن قريت
أحلام شبابك
جاية في آخر المواسم
وانت في عينى ومضة
ديمة فى عينى باسمة
انت فى قلب المشاعر
جوة ساكنة بالف خاطر
كل خاطر ليهو غنوة
داير يسافر يبقى باكر
شان يقرب للمسافة
ويبقى همنا في الكتابة
لأنو حرفك فينا فجر
كل أنواع الرتابة
غايتو ما أظن أهوى غيرك
أهوى ذاتك فينى غاية
وراحة للهجر المعاى
أهوى ذاتك كلمة تفضح
عن مشاعرى وعن هواى
كلمة فى صمتك بقولا
حتى لو كانت نهاية
حتى لو كانت نهاية
ليست هناك تعليقات:
إرسال تعليق