هـــيثم وجـــلال
ــــــــــــــــــــــ
نام ياجلجل نام ...
نام وإمنع الكلام
نام ياحبيبي نام ...
وأنا أجيبلك جوز حمام
قالها من غير حمام ..
قالها من غير يمام
خلاص ياماما هنام هنام
...................
هيثم نايم جنب أخوه...
سمع أمه وأبوه بينيموه
قال ياجلال ترابات تات توه
الجو سكون والنور طفوه
حتي الشمع بيولعوه
وعبد الحليم بيشغلوه
ينعل أبوها وينعل أبوه
.......................
لابسه الروب أصفر في سمار
داخله قميص تلتين بليكار
الشعر منعكش ومفعكش
دا غير الروج وغير الحمار
عاملين ناصحين مساكين الاتنين
في دماغهم إن جلال حمار
........................
هيثم قوم قول يلا ورايا
بابا بابا يابابايا
تعبان في حضني نايم معايا
الغوله واقفه ورا المرايا
أجيب هيثم أخويا وأجيلك
ولا هاتيجي تنام معايا
..........................
أمه قالت النايم فاق
والصاحي معندوش أخلاق
وأنا إتخنقت وخلقي داق
عليا الخبيز عليا الغسيل عليا الطبيخ
ممكن تقولي إنت عليك إيه ؟
قلتلها عليا الطلاق
عليا الطلاق عليا الطلاق
_____________________________________
بقلم // السيد امين
ليست هناك تعليقات:
إرسال تعليق