مفيش على برجك غيوم
وطريقك اخضر مخضر
وللجميع معلوم
لكن نهاية الطريق استر يا رب
فيه ايه يا شيخ ..
الحقيقه .. بيت العدل مهدوم
-
ادامك سكة سفر
واقف عليها غفر
فى اخرها فيه نفرين
بتحبى فيهم نفر
-
فيهم حد من دمك
وواحد بتحبيه ويهمك
وانت بتوعدى الاتنين
ولا هامك ابوكى ولا عمك
-
بس اللى من دمك بيحبك
وشكله كدا رايدك
عارف طباعك يا مايله
وحتى فاهم عوايدك
بلاش تطاوعى الشيطان
خالفيه اكسبلك
خدى اللى من دمك
ما دام معروف للكل ولاهلك
-
التانى بيحب فيكى
جسمك وريح عطرك
لا يهمه يرضيكى
ولا يهمه كسور خاطرك
وممكن يحارب كتير
بس مهوش عشان خاطرك
عشان يقول لابن عمك
انه خلاص كسرخاطره
وكاسر كمان خاطرك .
_________________
روحى يا بنتى ربنا يهديكى
_________________
ليست هناك تعليقات:
إرسال تعليق