البوسطجي الجزء التانى
___________________
والبوسطجي بيقرا الرسايل
ع السطوح تحت النجوم
ساعه يفرح ويتبسط
وساعه بيعد الهموم
شد انتباهه عار وطار
وضرب نار جوه الجواب
وتعدي بنت وولد
ع العرف والانساب
والبوسطجي سرحان
بيشرب القهوه
الشمعه حرقت
جواب البنت علي سهوه
اتحرقت الكلمات
وبدأ الشك م الام بالنظرات
الاب شاف الخطيه
برأ عنيه وانهار
قامت حريقه شديده
في بيته من غير نار
فقل عليها و راح
يجيبلها التابوت
في ايده اليمين سكينه
وفي ايده الشمال نبوت
البنت هربت وابوها
بيجهزلها الاخره
تموت محروقه ولا مخنوقه
ولا مشنوقه ع النخله
والبوسطجي حيران
وتايه في البلد
عاوز يشوف البنت
وتوصل رسالة الولد
الاب قابل هنادي قتلها
و قتل في بطنها المولود
واشتلها رافع دماغه
وعصبه كان مشدود
ماشي في وسط البلد
والناس بيتمخطر
والخلق من جهلهم
بيقولوا عليه عنتر
والبوسطجي حيران
شاف البنت محموله
يا هل تري مسئول عن موت هنادي
ولا هنادي اللي مسئوله
ولا الحبيب اللي خاض معركه الشرف
والعرض بسهوله
ولا ابوها بوفاتها امتلك
بايديه مفاتيح الرجوله
شورو ا عليا ياناس
أسند لمين البطوله
________________
الشاعر / السيد أمين
البوسطجي
ليست هناك تعليقات:
إرسال تعليق