رن تليفونك عليا
______________
رن تليفونك عليا
قلت رنه مهيش شويه
ارتبكت وغصب عنى
الفرح زغلل عنيه
الزمن وقف ساعاته
والرنين مات بين ايديه
الجميع خد باله منــى
والمشاعر رايحه جايه
بعدها رنيت عليكى
انتى ايه مبتقرأيش
انتى ليه بتعذبينى
معقول تكونى مبتسمعيش
بتردى مره وتسعدينى
ومرات كتير احساس مفيش
ولا الجرس صحى الحرس
وعشان كده مبتفتحيش
هو انتى يعنى عشان حزينه
حرام عليه افرح واعيش
ولا ابقى مجنون وانت ليلى
وابقى واحد من الدراويش
انا هبقى واحد م الدراويش
ليست هناك تعليقات:
إرسال تعليق